Tv Gurra: Sh.M.K “Drita” Kërçovë shënoi Ditën e Patronatit

Në ambientet e Shkollës së Mesme Komunale “Drita” në Kërçovë u mbajt sot manifestimi tradicional me rastin e Ditës së Patronatit.
Ceremonia u hap me Himnin Kombëtar, të interpretuar me shumë emocion nga kori i shkollës, nën udhëheqjen e profesorit të muzikës, z. Blerim Lutfiu.

Më pas, fjalën e mori drejtori Festim Ahmedi, i cili përmes një referati përkujtoi historikun, sukseset dhe rrugëtimin e shkollës ndër vite. Manifestimi vazhdoi me poezi dhe pika artistike të përgatitura nga nxënësit.

Në fjalën e tij, profesori Baftir Limani theksoi se kjo është një ditë e veçantë për të gjithë komunitetin shkollor, duke uruar përvjetorin dhe duke vlerësuar punën e palodhur të stafit dhe nxënësve.
Në shenjë mirënjohjeje, iu nda një çertifikatë mirënjohjeje profesorit Xheladin Rushiti për kontributin e tij të çmuar ndër vite.

Ky aktivitet u zhvillua në një atmosferë festive, ku u ndërthurën krenaria, tradita dhe dashuria për dijen, që e bëjnë “Dritën” një nga shtyllat arsimore më të rëndësishme të qytetit të Kërçovës.
Manifestimi u përmbyll me një koktej të organizuar nga sindikata e shkollës, në shenjë falënderimi për të gjithë pjesëmarrësit.

/tvgurra