Tv Gurra: Rreth profileve të rreme në rrjete sociale !

Në ditët e fundit, është vërejtur shtim i profileve të rreme në rrjete sociale, të cilat përdoren për të ofenduar, shpifur dhe për të gjykuar njerëzit në mënyrë të pavërtetë.

Redaksia e TV Gurra dënon ashpër çdo formë komunikimi që cenon dinjitetin e njeriut dhe përhap gjuhë urrejtjeje.
Një person që ka argumente dhe qëndrim nuk ka pse të fshihet pas një identiteti të rremë. Debati publik dhe mendimi ndryshe janë të mirëseardhura, por ato duhet të zhvillohen me respekt dhe përgjegjësi.

Fjalët që lëndojnë, shpifjet dhe komentet e pavërteta nuk ndërtojnë shoqëri — përkundrazi, dëmtojnë besimin dhe përçarjen ndërmjet njerëzve.

👉 TV Gurra bën me dije se të gjitha profilet e rreme që shfaqin gjuhë urrejtjeje, ofendime apo shpifje do të bllokohen menjëherë nga faqja jonë. TV Gurra mbetet e përkushtuar për të informuar drejt, me etikë profesionale dhe me respekt ndaj çdo qytetari.

/tvgurra