Tv Gurra: Rinia Zgjohet , Kërçova ndryshon (VIDEO)

Të dashur bashkëvendas,
Sot, me ndjenjën më të thellë të përgjegjësisë dhe me përkushtimin më të sinqertë ndaj vendlindjes sime, dua t’ju njoftoj se kam pranuar të jem kandidat për këshilltar komunal në komunën tonë, nga radhët e koalicionit VLEN, pranë kandidatit për kryetar komune, z. Fatmir Limani.

Kjo kandidaturë nuk buron nga ambicie personale, por nga një nevojë për të përfaqësuar zërin e njerëzve të zakonshëm, punëtorët, të rinjtë, nënat, të moshuarit dhe të gjithë ata që meritojnë një përfaqësim të denjë dhe të ndershëm.

Ashtu siç më njihni të gjithë, unë jam rritur me ju, mes punës, thjeshtësisë dhe vlerave që na kanë mbajtur gjithmonë të bashkuar si komunitet.
Me përulësi dhe vendosmëri, ju drejtohem për t’ju thënë se jam gati të vë në shërbimin tuaj energjinë, dijen dhe përkushtimin tim, për fshatin tonë, për qytetin tonë dhe për të ardhmen e fëmijëve tanë.

Në këtë rrugë nuk jam vetëm.
Jam me ju dhe jam së bashku me njeriun që i shtriu dorën çdo nevojtari, me kandidatin tonë për kryetar komune, z. Fatmir Limani, njeri i rinisë, i punës dhe i fjalës me të cilin do të punojmë për të ndërtuar një të ardhme më të mirë për të gjithë ne.

Me mbështetjen tuaj, do të punojmë së bashku për një Kërçovë më të zhvilluar, më dinjitoze dhe më të drejtë.
Në këtë rrugëtim jam i vendosur t’ju përfaqësoj me nder, dinjitet dhe përgjegjësi.

Andaj kërkoj mbështetjen tuaj që ta kthejmë shpresën në veprim, e të punojmë bashkë që ndryshimi të bëhet realitet.
T’u japim arsye të gjithëve e veçanërisht të rinjve që të qëndrojnë në vendlindje, të investojnë në dije dhe arsimim e kështu të hapërojm të gjithë bashkë drejt mundësive të reja.
Me shumë respekt,
Ramazan Dini

VIDEO:

/tvgurra