Tv Gurra: Pensionohet Profesor Xheladin Rushiti – Një jetë në shërbim të dijes e brezave

Profesor Xheladin Rushiti mbetet një figur e nderuar e arsimit në Kërçovë, i cili me dije, përkushtim dhe pasion ka kontribuar në edukimin e shumë brezave në Gjimnazin e Kërçovës.

Për dekada të tëra, ai nuk ishte vetëm një mësimdhënës i matematikës, por një udhërrëfyes i çmuar që i pajisi nxënësit me aftësi, shkathtësi dhe mendim kritik.

Me metodën e tij të veçantë, ai ndërtoi tek çdo nxënës një bazë të fortë për jetë dhe profesion, duke e kthyer punën e përditshme në një mision fisnik e thirrje shpirtërore për edukimin.

Përmes përkushtimit dhe dashurisë për dijen, Profesor Xheladin Rushiti la gjurmë të pashlyeshme në zemrat e nxënësve dhe kolegëve të tij, duke u bërë shembull i vlerave dhe i humanizmit.

Profesor, faleminderit për gjithçka që keni bërë për ne!
Ju urojmë pension të gëzuar, shëndet të plotë dhe jetë të gjatë!

/tvgurra