Tv Gurra: Objektet që nuk u ndërtuan në Kërçovë – premtime të parealizuara ndër vite ?

Në Kërçovë, disa projekte të rëndësishme për qytetarët mbeten të parealizuara prej vitesh. Spitali i Kërçovës, i premtuar nga ministrat dhe autoritetet mbi 30 vjet më parë, ende nuk është ndërtuar, duke u kthyer vetëm në pjesë të fushatave zgjedhore.

Salla sportive në Zajaz qëndron e papërdorshme prej 16 vitesh. E ndërtuar në vitet 2009/2010 në oborrin e shkollës fillore, objekti nuk ka dokumentacion zyrtar, dhe askush nuk e di se kush e administron apo posedon çelësin.

Një tjetër projekt i parealizuar është pishina e mbyllur pranë Stadiumi Vllazërimi në lagjen Pashinë, ndërtimi i së cilës u paralajmërua në vitin 2020 me vlerë rreth 44 milionë denarë dhe afat realizimi 18 muaj, por nuk u përfundua.

Këto projekte të papërfunduara mbeten simbol i premtimeve të pambajtura dhe nevojave të paplotësuara të komunitetit.

/tvgurra