Tv Gurra: Njoftim për Mërgatën Kërçovare reth zgjedhjeve!

Prononcim – Valdet Selimi, sekretar i Komisionit Komunal

“Ju njoftoj të gjithë qytetarët se Komisioni Komunal është në funksion të plotë dhe i gatshëm për të gjitha proceset që pasojnë. Ftoj qytetarët të informohen me kohë për procedurat e nevojshme dhe t’i ndjekin njoftimet zyrtare. Qëllimi ynë është transparenca dhe shërbimi i drejtë ndaj secilit qytetar.”

Ditëve fundit po vërehet interesim i shtuar sidomos nga mërgata në lidhje me shfrytëzimin e të drejtës së votës qofshin familjar, miq apo edhe të tjerë.
E shoh të arsyeshme të ndaj me Ju disa informacione bazike:

– Të gjithë mërgimtarët të cilët do të udhëtojnë në vendlindje për të realizuar të drejtën e votës, fillimisht të kontrollojnë listën zgjedhore https://izbirackispisok.gov.mk
nëse nuk janë në list ditën e zgjedhjeve do të jetë shumë e vështirë të regjistrohen duke i pas parasysh të gjithë rrethanat.

– Gjatë shqyrtimit të listës mund të kontrolloni edhe vendndodhjen e vendvotimit ( sidomos pjesa e qytetit sepse ka ndryshime) edhe pjesa e Zajazit ( Teqe, Xhuma, Çelikaj).

– Qytetarët që nuk kanë dokment me emrin e ri të shtetit ( RMV) edhe pse mund të ketë dokument të vlefshëm nuk mund të ralizojn të drejtën e votës.

– Qytetarët të cilët nga dt. 20.09.2025 deri në dt.19.10.2025 (ditën e zgjedhjeve) do të mbushin moshën 18 vjeçare, nuk janë në listën zgjedhore, të njejtit do të duhet të orientohen deri te Komisioni Komunal Zgjedhorë, e njejta vlen edhe për ato që do të mbushin 18 vjet brenda dy rretheve.

– Qytetarët të cilët deri tani kanë votuar te SHF e vjetër ” Sande Shterijoski” (Agrokop), të drejtën e votës do të mund ta realizojnë te objekti qëndrorë i SHF “Sande Shterijoski” ku do të jenë të shënuar numrat e vendvotimit.

– Personat e palëvizëshm që të mund të realizojnë të drejtën e votës në kushte shtëpiake, do duhet të informojnë Komisionin Komunal më së voni deri në dt: 10.10.2025 ora 24:00, bashkë me njoftimin do duhet të dorëzojnë edhe vërtetim mjeksorë nga mjeku SPECIALIST, dokumentacionin e dorzon personi i afërt i familjes, një person mund të dorzojë maksimum dy njoftime.

Shpresoj që këto informata tu shërbejnë të gjithëve pa përjashtim!

/tvgurra