Tv Gurra: Njihuni me Kërçovarin Kujtim Zendeli, alpinist i sfidave dhe avanturave

Kujtim Zendeli i lindur në fshatin Drogomisht i Madh, komuna e Kërçovës, Maqedonia e Veriut, është një alpinist dhe aventurier i njohur në Ballkan për sfidat e tij të jashtëzakonshme në natyrë.

Si ri filloi të merret me gazetari, por pas disa vitesh hapi një biznes, studio për reklama “Info Page”.
Me profesion është dizajner grafik.
Është anëtar i klubit bjeshkatar “Uskana”.

Gjatë verës bëri ngjitjen e 15-të majave më të larta në 15-të shtete të Evropës Juglindore dhe Qendrore, brenda një muaji.
Ja disa nga majat që ai ka ngjitur: Olimp, Greqi, 2918 m, Musalla, Bullgari, 2925 m, Korab, Shqipëri, 2764 m, Gjeravicë, Kosovë, 2656 m, Dufourspitze, Zvicër, 4634 m, dhe shumë të tjera.
Përveç alpinizmit, Kujtimi është edhe pasionant i çiklizmit dhe njihet mes miqve si Nomad Bozo, duke e kthyer aventurën në stil jetese.

Me biçikletë udhëtoi i vetëm deri Azerbejxhan në majën “Bazar Duzu”, 4466 m, për 16-të ditë, Itali po me biçikletë duke kaluar mbi 4 mijë kilometra për 43 ditë, duke vizituar edhe Sicilinë, vullkanin Etna, pastaj Kalabrinë mbi 15 fshatra arbëreshe dhe shumë maja të larta në tokën italiane.

Po me biçikletë para disa vitesh erdhi nga Viena në Kërçovë për 12-të ditë!
Ky njeri frymëzon jo vetëm për guximin dhe përkushtimin, por edhe për dashurinë që ka ndaj natyrës dhe kulturës së lëvizjes.

Kurajoz, i papërkulur, gjithmonë në kërkim të së panjohurës. Misioni i Kujtimit është të kapërcejë kufijtë e zakonshëm, të sfidojë normat dhe të eksplorojë botën me një zemër të hapur.

Simbolika e tij paraqet një udhëtar me një çantë plot ëndrra, një mendje që nuk pranon kufizime, dhe një shpirt që digjet nga dëshira për të jetuar me intensitet!
Ai përballet me sfidat si mundësi për rritje dhe të jetojë çdo ditë si një aventurë të re.

Motoja e tij është “Mos kërko rrugën më të lehtë, por atë që të mëson më shumë”!
Kujtim Zendeli është baba i dy fëmijëve të mrekullueshëm dhe jetojnë bashkë me bashkëshorten në vendlindje!
Mirënjohje publike për alpinistin dhe çiklistin Kujtim Zendeli!
Shëndet dhe suksese!

/tvgurra