Tv Gurra: Nga 11 komisione në Këshillin Komunal, vetëm 4 do të udhëhiqen nga shqiptarët

Në mbledhjen e dytë të Këshillit Komunal, të mbajtur sot, u përcaktua përbërja e 11 komisioneve punuese, nga të cilat vetëm 4 do të drejtohen nga përfaqësues shqiptarë.

Kundër këtij vendimi reaguan këshilltarët e Listës së Pavarur, z. Kujtim Kasami, dhe të AKI-së, znj. Syarta Saliu Osmani, të cilët theksuan se kjo ndarje nuk pasqyron realitetin demografik të qytetit dhe përbërjen aktuale të këshillit, ku ka 10 këshilltarë shqiptarë dhe 9 maqedonas.

Ata shtuan se ka edhe shkelje të Ligjit për Vetëqeverisje Lokale në mënyrën e formimit të komisioneve.
Sipas tyre, përfaqësimi duhet të jetë proporcional dhe në harmoni me strukturën etnike të komunës, ndërsa vendimi aktual përbën diskriminimin e radhës ndaj shumicës shqiptare.
Ndërkohë, nga këshilltarët e koalicionit VLEN nuk është shënuar asnjë reagim.

/tvgurra