Tv Gurra: Ministri Fatmir Limani në takim produktiv me Kryetarin e Komunës së Hornit në Austri

Ministri Fatmir Limani zhvilloi një takim produktiv me Kryetarin e Komunës së Hornit në Austri, z. Gerhard Lentschig, dhe Këshilltarin Komunal, z. Shefqet Bela.

Qëllimi i kësaj vizite ishte që delegacioni të njihej nga afër me funksionimin e Komunës së Hornit dhe të mësonte nga praktikat pozitive të qeverisjes lokale, veçanërisht në fushat e shëndetësisë, arsimit profesional, bujqësisë dhe blegtorisë, menaxhimit të mbeturinave dhe politikave rinore.

“Bashkëpunimi ndërkomunal dhe mësimi nga praktikat më të mira evropiane do të jenë gjithmonë prioritet i yni,” – theksoi ministri Limani.

“Jemi të bindur se partneritetet me komuna të tjera, brenda dhe jashtë vendit, janë thelbësore për rritjen e kapaciteteve institucionale, shkëmbimin e njohurive dhe përthithjen e projekteve të përbashkëta zhvillimore – veçanërisht në kuadër të proceseve të integrimit evropian.”

Kjo vizitë përforcon angazhimin për ndërtimin e urave të bashkëpunimit dhe shkëmbimin e përvojave praktike në funksion të një të ardhmeje më të mirë për qytetarët tanë.

/tvgurra