Tv Gurra: Ministri Fatmir Limani në Çerdhen e Kërçovës gjatë Javës së Fëmijëve

Ministri Fatmir Limani vizitoi çerdhen “Olga Micevska” në Kërçovë në kuadër të Javës së Fëmijëve, duke theksuar rëndësinë e dashurisë, kujdesit dhe barazisë për çdo fëmijë.

Ai u shpreh i lumtur që fëmijët e bashkësive të ndryshme rriten së bashku, duke ndërtuar që në moshë të hershme kulturën e respektit dhe bashkëjetesës.

Ministri falënderoi drejtoreshën Arlinda Shaini Veliu dhe edukatoret për përkushtimin e tyre të përditshëm.

Ai theksoi se Ministria mbetet e përkushtuar për kushte më të mira në çerdhe, staf profesional dhe mjedise të sigurta për fëmijët. “Kujdesi për fëmijët është investimi më i bukur për të ardhmen e vendit tonë,” u shpreh ministri Limani.

/tvgurra