Tv Gurra: Ministri Fatmir Limani: Memorandum bashkëpunimi me Erasmus+ për të rinjtë

Ministria e Politikës Sociale, Demografisë dhe të Rinjve nënshkroi Memorandum Bashkëpunimi me Agjencinë Kombëtare të Programeve Arsimore Evropiane dhe të Mobilitetit – Erasmus+.

Ky hap nuk është vetëm një dokument, por një angazhim i përbashkët për të ardhmen e të rinjve të Maqedonisë së Veriut.

Memorandumi fuqizon mbështetjen për zbatimin e Kartës Rinore Evropiane, për promovimin e mobilitetit, vullnetarizmit dhe pjesëmarrjes aktive në iniciativat evropiane. Ai përmirëson gjithashtu qasjen në informacione, programe dhe projekte që ofrojnë mundësi për zhvillim, arsim dhe eksperienca të reja.

Si institucione, synojmë të krijojmë kushte ku çdo i ri mund të rritet, të mësojë, të udhëtojë dhe të bëjë ndryshim pozitiv në shoqëri.

/tvgurra