Tv Gurra: Limani dhe Fetai, testi që po trondit VLEN-in: A ka koalicioni fuqi reale në Qeveri?

Deklarata e kryeministrit Hristijan Mickoski se për fatin e ministrit Limani duhet të vendosë vetë VLEN, ka rikthyer në qendër të debatit peshën reale të këtij koalicioni brenda qeverisë.

Në një moment kur raportet me ministrin Limani janë jo funksionale prej muajsh, mungesa e një vendimi konkret ka shtuar dyshimet për kapacitetin real të VLEN-it për të imponuar ndryshime.
Situata komplikohet edhe më shumë nga çështja e Fetait, ndërsa koalicioni vazhdon prej gati tre muajsh të funksionojë pa dy poste ministrore të qarta.

Për kritikët, kjo është dëshmi e një ngërçi politik dhe mungesë koordinimi në radhët e VLEN-it, duke krijuar perceptimin e një force që ende nuk po arrin të kapitalizojë rolin e saj në pushtet.

Rasti Limani dhe Fetai tashmë shihet si prova vendimtare për VLEN-in.
Rekonstruimi i paralajmëruar i qeverisë pritet të tregojë nëse koalicioni do të konsolidojë pozitat apo do të përballet me kritika edhe më të forta për mungesë ndikimi real.

/tvgurra