Tv Gurra: Kush është Dr. Kujtim Kasami mbartës liste i kandidatit të pavarur Shkodran Alili
Kujtim Kasami lindi më 19 qershor 1981 në Kërçovë. Shkollën fillore e kreu në vendlindje, në fshatin Garanë-Strellcë, ndërsa gjimnazin në “Medresenë Isa Beu” në Shkup (1996–2000).
Studimet universitare i përfundoi në Universitetin Shtetëror të Tetovës më 2007, në drejtimin Pedagogji Profesionale. Ai vazhdoi studimet pasuniversitare në disa fusha: komunikim, shkenca politike, politika publike dhe shkenca islame.
Në vitin 2019 mbrojti doktoraturën në Universitetin “Shën Kirili dhe Metodi” në Shkup me temën “Zbatimi i standardeve etike në procesin zgjedhor në Republikën e Maqedonisë”, duke u bërë i pari shqiptar që fitoi titullin Doktor Shkence në modulin “Demokracia në kushtet e globalizimit”.
Kasami ka marrë pjesë në dhjetëra seminare, konferenca dhe trajnime brenda dhe jashtë vendit, duke qenë shpesh edhe ligjërues.
Ka botuar mbi 30 punime shkencore me impakt faktor në revista ndërkombëtare dhe është autor i librave: *“Kualifikimi i kuadrit mësimor në gjuhën shqipe (1945-1955)”*, *“Arti i edukimit”* dhe *“Libri me urtësi”*.
Në aspektin profesional, ai ushtron detyrën e drejtorit në SHFQ “Milto Gurra” – Garanë, si dhe punon prej vitesh si arsimtar e imam. Për kontributet e tij, Komuna e Kërçovës e nderoi në vitin 2019 me çmimin “Kupa Votra” si Personalitet i Vitit.
Kujtim Kasami është i martuar dhe baba i pesë fëmijëve.
/tvgurra
