Tv Gurra: Koalicioni VLEN nis përgatitjet për fushatë në Kërçovë

Kandidati për kryetar të Komunës së Kërçovës nga radhët e koalicionit VLEN z. Fatmir Limani ka nisur përgatitjet për fushatën zgjedhore, ndërsa pritet që së shpejti të zyrtarizohet edhe bartësi i listës për këshillin komunal.

Afati i fundit për dorëzimin e listave është 13 shtatori, ndaj strukturat partiake janë duke punuar me intensitet për t’u paraqitur të organizuar para qytetarëve.

Në një postim në rrjetet sociale, kandidati ka theksuar: “Me përkushtim të plotë, po e kthejmë çdo zë të qytetarëve në plan konkret. Zhvillimi nis nga dëgjimi, duke përfunduar në veprim.”

Koalicioni VLEN synon të ofrojë një platformë që reflekton nevojat reale të komunitetit, duke theksuar transparencën, përfaqësimin dhe zgjidhjet praktike.

/tvgurra