Tv Gurra: Këshilltarët e pavaru nuk votuan !

Në mbledhjen e parë të Këshillit të Komunës së Kërçovës, këshilltarët e pavarur votuan kundër kryesuesit të sapozgjedhur, duke theksuar se vendimi i tyre është parimor. Ata kërkojnë që pozitat të pasqyrojnë realitetin e qytetit dhe vullnetin e qytetarëve, jo pazare politike.

“Kjo është vetëm fillimi – do të jemi zëri i popullit dhe do të mbrojmë çdo vendim që i shërben Kërçovës,” theksojnë këshilltarët.
Sot u mbajt mbledhja e parë e Këshillit të Komunës së Kërçovës.

Me gjithë respektin për kryesuesin e sapozgjedhur, ne votuam kundër, jo për të bllokuar punën e këshillit dhe as për të krijuar përçarje, por sepse besojmë se pozita e Kryetarit të Këshillit duhet të pasqyrojë realitetin dhe vullnetin e qytetarëve të Kërçovës.

Kjo është një çështje parimore.
Ne jemi aty për t’i shërbyer qytetit, jo për pazare apo marrëveshje të mbyllura pas dyerve. Çdo vendim duhet të merret hapur, në sallën e këshillit, me argumente dhe me respekt për qytetarët që na kanë dhënë votën dhe besimin.

Ne do të jemi zëri i popullit, do të votojmë çdo gjë që i shërben Kërçovës dhe do të jemi kundër çdo gjëje që e lëndon atë.
Puna jonë sapo ka filluar dhe do të jetë gjithmonë në krah të qytetarëve.

/tvgurra