Tv Gurra: Kërçovari Nuredin Dervishi në Turneun Botëror Kualifikues për Seniorë në Francë!

Sot, më 15 tetor 2025, anëtarët e Reprezentacionit të Maqedonisë së Veriut u nisën drejt Parisit (Francë) për të përfaqësuar shtetin në Turneun Botëror Kualifikues të Karatesë për Seniorë, që do të mbahet nga 17 deri më 19 tetor 2025.

Në këtë ngjarje madhore marrin pjesë 547 garues nga 108 shtete të botës.
Përbërja e reprezentacionit është përzgjedhur nga Kupa e Maqedonisë, e zhvilluar më 20 shtator 2025 në Tetovë.

Ndër sportistët e përzgjedhur është edhe Nuredin Dervishi, anëtar i Klubit të Karatesë “Uskana” – Kërçovë, i cili do të garojë në kategorinë e senioreve, në disiplinën “kata”.

Kjo pjesëmarrje është një mundësi e madhe për Nuredinin që të sigurojë kualifikimin në Kampionatin Botëror të Karatesë, i cili do të mbahet në Kairo të Egjiptit.

Me Nuredinin do të udhëheqë trajneri i tij, njëherësh seleksionues në Federatën e Karatesë së RMV-së, prof. Nexhbi Dervishi.

I urojmë suksese dhe fat Nuredinit dhe gjithë përfaqësuesve tanë në këtë event madhështor ndërkombëtar — me shpresë që do të na përfaqësojnë me dinjitet dhe rezultate të shkëlqyera!

/tvgurra