Tv Gurra: Kandidatët e Kërçovës intensifikojnë takimet me diasporën para tubimit të së dielës në Zvicër

Tre kandidatët për kryetar të Komunës së Kërçovës po zhvillojnë takime të rëndësishme me diasporën, pak ditë para takimit qendror që do të mbahet të dielën në Zvicër, ku pritet prezantimi i programeve.

Pas disa aktiviteteve të mëhershme, kandidati i koalicionit VLEN, Fatmir Limani, ka zgjedhur Dortmundin për të takuar mërgatën. Kandidati i pavarur, Shkodran Alili, do të udhëtojë drejt Vjenës së Austrisë për një takim me bashkatdhetarët, ndërsa kandidati i AKI/BDI, Fatmir Dehari, do të jetë në Mynih. Në këtë qytet, Shoqata e Kërçovarëve në Mynih dhe Oda Kërçovare organizojnë “Natën Kërçovare”, ku Dehari do të takohet nga afër me diasporën.

Takimi i së dielës në Zvicër pritet me interes të veçantë, si nga diaspora ashtu edhe nga qytetarët e Kërçovës, pasi do të jetë një moment vendimtar në rrugëtimin elektoral të kandidatëve.

/tvgurra