Tv Gurra: Java kalon në heshtje ! Shkraun Fatmir Limani

JAVA KALOI NË HESHTJE !!!
(ngroheni në heshtje apo do cicëroni)
Ju të dashur bashkëvendas e miq, e dini se unë kam dellin e të shkruarit, por mençuria e popujve është e pakrahasueshme.
Në mëndje me një fabul shumë të bukur e të thellë, të cilën e përcjell këtu:
______________________________________
“ZOGU, BAJGA DHE MACJA”
Një zog i vogël fluturonte në një ditë shumë të ftohtë dimri. Nga të ftohtit, ai u drodh, humbi forcën dhe ra në tokë, pothuajse i ngrirë.
Ndërsa qëndronte aty, një Lopë kaloi pranë dhe e mbuloi me një bajgë të ngrohtë. Në fillim zogu u tmerrua, por pas pak ndjeu ngrohtësinë dhe filloi të marrë veten. Dhe mrenda pak minutash, ai u ndje aq mirë, sa nisi të cicërojë i gëzuar.
Papritmas një mace që kalonte aty pranë e dëgjoi cicërimën. U afrua, pa bajgën, e gërmoi, e nxori zogun jashtë dhe e hëngri.
________________________________________
Morali i fabulës:
1. Jo çdo njeri që të fut në llum është armik.
2. Jo çdo njeri që të nxjerr nga llumi është mik.
3. Dhe mbi të gjitha:
– kur je në vështirësi, duhet ta kuptosh ku je dhe të dalësh me maturi.
_________________________________________
Dhe, siç thonë, krahasimi më i bukur çalon, sepse nuk ka situatë njerëzore që të ngjasojë plotësisht me këtë fabul.
Por, pjesërisht kjo fabul më kujton popullin e Kërçovës, që është ndjerë ngrohtë me premtime të rreme, apo me lavdi të rreme të dikujt.
Mirëpo, si do të dalë nga kjo ngrohtësi e rreme, kjo është çështja … ?!!!
Kur e mendoj më thellë, më duket sikur brenda kësaj gjëje të ngrohtë është kundërkandidati, që i ngjan vetja fitues.
Çfarë duhet të bëjë ai që të dalë nga bajga, të cicërojë !?
F. B. L.

/tvgurra