Tv Gurra: Fatmir Limani me mesazh të ashpër për liderët e VLEN-it
Fatmir Limani reagoi me tone të ashpra ndaj liderëve të VLEN-it pas vizitës së tyre në Prekaz. Ai theksoi se nderimi i dëshmorëve nuk matet me homazhe simbolike, por me qëndrimin në momentet e vështira. Sipas tij, historia kujton ata që luftuan, jo ata që vijnë vetëm për fotografi.
Ne Fb shkruan:
Fatmir limani u pergjigjet liderve te vlen itPREKAZI Ç’DITË KA NJOHTUR !
E lehtë përkulja mbi varre kur rrethimi ka mbaruar.
E lehtë sfilata pranë gjakut të fëmijëve kur historia është shkruar.
E lehtë edhe rruga me vetura drejt Prekazit kur pushkët kanë heshtur.
Ku ndodheshim në marsin e përgjakur, ditët kur kërkohej dora që çante rrethimin, zemra që nuk trembej, burrat që nuk fshiheshin !
Betimi mbi varrin që nuk u mbrojt në ditën e rënies i ngjan atij që shkon te varri i njerkës, ndërsa nuk ia di varrin nënës së vet.
Historia nuk matet me buqeta mbi lapidarë, por me vendin ku qëndrove kur hapeshin varret.
Guri i Prekazit i njeh mirë: edhe ata që iu përgjigjën me pushkë, edhe ata që vijnë me duart në xhepa.
/tvgurra
