Tv Gurra: Fatmir Limani: Fushatë me dinjitet, profesionalizëm dhe frymë bashkimi – mërgata, shtylla e kombit

Në takimin e organizuar nga Shoqata Kulturore “Kërçova – Zvicër”, kandidati për kryetar të Kërçovës, Fatmir Limani, ashtu si në çdo paraqitje të tij gjatë fushatës, u shfaq me një pjesë të ekipit të tij profesional, duke lënë përshtypje të fortë tek mërgimtarët pjesëmarrës.

Fushata e Limanit po cilësohet si shembull i një qasjeje moderne dhe europiane, e ndërtuar mbi bashkëpunim, kompetencë dhe transparencë. Ai prezantoi ekipin e tij dhe u dha fjalën bashkëpunëtorëve për të paraqitur vizionin dhe projektet konkrete për ndryshimin e Kërçovës.

Në përfundim, i pyetur nëse do të mbështesë kandidatin shqiptar në rast se nuk kalon në raundin e dytë, Limani u përgjigj prerë: “As nuk diskutohet – këtë e garanton gjaku i derdhur i babait tim.”

/tvgurra