Tv Gurra: Bexhet Jagodini i këndon vendosjes së bustit të Skënderbeut në Garanë

Profesori dhe këngëtari i mirënjohur kërçovar, Bexhet Jagodini, i ka kushtuar një këngë të veçantë vendosjes së bustit të Gjergj Kastriotit Skënderbeut në Garanë. Edhe pse aktualisht ndodhet larg vendlindjes, në Dortmund, ai ka dërguar përshëndetjet e tij të ngrohta për bashkëqytetarët.

Me emocion dhe krenari, Jagodini u uron të gjithëve Gëzuar 28 Nëntorin – Ditën e Flamurit, duke theksuar se zemra e tij është gjithmonë me Kërçovën dhe trojet shqiptare, kudo që ndodhet. 🇦🇱
Ai shkruan
URIME URIME
Këngë
PËRMENDORJA E SKËNDERBEUT
Garanë, Kërçovë
I
Monumenti i Skënderbeut-2
Zemra mal po shkund atdheun-2
II
Atje lart te Porodini,
Rrënjë të thella, ju e dini;
Me lashtësi që vjen prej para,
Aty lind guri e Gara.
Përmendorja e Skenderbeut
Në Kërçovën e Ali Beut
Me lashtësi guri e rona
Mu në zemër te Garona

III
Atdhetar me shpirt e zemër,
Plot nderim, emër për emër.
Në gjak e n’palcë atdhetarinë
Garana shkruan historinë.
Refreni
Përmendorja e Skenderbeut
Në Kërçovën e Ali Beut
Me lashtësi guri e rona
Mu në zemër te Garona
Monumenti i Skënderbeut-2
Zemra mal po shkund atdheun-2

Teksti & muzika dhe interpretimi.
Bxhet Jagodini
Shënim: Kënga kushtohet në shenjë mirënjohjeje dhe falënderimi për iniciatorët, sponsorët dhe të gjithë ata që investuan për këtë vepër grandioze.
(Në tekst) ALI BEU – Jusuf Ali Beu – Albani, i lindur në fshatin Premkë të Kërçovës, që në vitin 1878 iu drejtua ambasadorit rus në Stamboll për pavarësinë e Shqipërisë.

Këto dy data me interes kombëtar – ajo e Jusuf Ali Beut-Albanit dhe ajo e vendosjes së monumentit të Skënderbeut – korelojnë me njëra-tjetrën. Sot vendbanimi rural i Garanës, me monumentin e Skënderbeut, merr një fizionomi krejt tjetër.

Në pamundësi për të marrë pjesë në vendin e nderimit të figurës kombëtare të Skënderbeut, ju shpreh urimet e sinqerta garanasve, kërçovarëve dhe gjithë kombit shqiptar!
Me respekt, Bexhet Jagodini Dortmund

/tvgurra