Turizmi amerikan në Zvicër arrin shifra rekord ?

Brenda 10 vitesh, numri i turistëve amerikanë në Zvicër është dyfishuar. Për netët e qëndrimit, SHBA renditet menjëherë pas Gjermanisë. Ndryshe nga tregu aziatik – veçanërisht ai kinez, që ka rënë mbi 36% krahasuar me vitin 2019 – tregu amerikan u rikuperua shpejt pas COVID-it.

Në Lucern, më shumë se 25% e turistëve të huaj vijnë nga SHBA, duke e bërë atë tregun më të rëndësishëm. Amerikanët konsiderohen “turistë idealë”: udhëtojnë gjatë gjithë vitit, zgjedhin hotele 4–5 yje dhe shpenzojnë mesatarisht 260 franga në ditë (kundrejt 150 frangave të gjermanëve). Ata qëndrojnë kryesisht në rajonin e Cyrihut dhe Lucernit.

Megjithë dollarin e dobët dhe pasigurinë politike, kërkesa mbetet e fortë. Megjithatë, pritet një fazë konsolidimi, pasi ritmi i rritjes është ngadalësuar në rreth 4% këtë vit. Turizmi zviceran mbetet i qëndrueshëm, pavarësisht rënies së madhe të vizitorëve kinezë.

/albinfo