Tubimi në mbështetje të ish-krerëve të UÇK-së, Mickoski: Do të kujdesemi që të kalojë më së miri

Qeveria nuk përkrah tubimin në mbështetje të ish-krerëve të UÇK-së, por do të kujdeset që marshi të kalojë më së miri, pa incidente, thotë vetë kreu i ekzekutivit, Hristijan Mickoski.

“Ky është paralajmërim i Mexhitit, atë duhet ta pyesni. Qeveria nuk e mbështet dhe nuk e kemi për qëllim ta mbështesim, por gjithsesi do të kujdesemi që e gjithë kjo të kalojë më së miri, të mos ketë incidente, të mos ndodhë diçka që ne qytetarët nuk duam të ndodhë.

Përndryshe supozoj që ky vendim i Mexhitit është marrë nën trysninë e organizatorëve duke menduar se nëse nuk e mbështet do të humbë pikë politike, e që mendoj se është vendim i gabuar.”, – deklaroi kryeministri, Hristijan Mickoski.

/mrtalb