Trump: Tarifat e reja do bëjnë SHBA më të pasur..!?

Donald Trump e konsideron sukses, vendimin për vendosjen e tarifave minimalisht 10% për çdo mall të huaj që hyn në Shtetet e Bashkuara.

“Çdo vend ka kërkuar të negociojë. E kemi vendosur veten në kolltukun e shoferit. Kur ne i kërkonim shumicës së këtyre vendeve të bënin diçka, ata refuzonin. Tani do të bëjnë gjithçka për ne. Kjo do ta bëjë vendin tonë shumë të pasur”, thekson Presidenti Trump.

Megjithatë, jo vetëm bursat botërore, por edhe tregjet e aksioneve në Shtetet e Bashkuara kanë njohur vetëm rënie që pas shpalljes së vendimit, të mërkurën. Dollari vazhdon të zhvlerësohet, ndërsa monedha europiane shënoi nivelin më të lartë të 6 muajve të fundit.

Këto turbullira ekonomike konsiderohen si më të rëndat që pas pandemisë së Covid-19-ës. Vendet e Bashkimit Europian kanë paralajmëruar se do t’i kundërpërgjigjen me të njejtën monedhë tarfiave të Trumpit.

Në një intervistë për gazetën italiane “La Repubblica” politologu amerikan Frensis Fukujama, profesor në universitetin e Stenfordit shprehet se tarifat janë zgjedhje e çmendur, do të na çojnë në recesion, duke rrezikuar edhe një luftë botërore.

/ts