Trump nuk dëshiron ta shohë më Vuçiqin me sy !
Vendimi i kompanisë së dhëndrit të Donald Trump për t’u tërhequr nga projekti luksoz në Beograd shihet si dëshmi se presidenti serb Aleksandar Vuçiq ka dëmtuar seriozisht marrëdhëniet me Uashingtonin, vlerëson analisti Boshko Jakshiq. Sipas tij, Trump nuk dëshiron më bashkëpunim me Vuçiqin dhe përpjekjet e këtij të fundit për të riparuar raportet kanë dështuar.
Kompania “Affinity Partners” njoftoi më 15 dhjetor se po tërhiqet nga projekti, duke theksuar se projektet duhet të bashkojnë e jo të ndajnë. Jakshiq e lidh këtë vendim me pakënaqësinë amerikane ndaj sjelljes së Vuçiqit, përfshirë përpjekjen e tij për t’u afruar me Trumpin në SHBA dhe përfshirjen e amerikanëve në afera të brendshme.
Vuçiq reagoi ashpër, duke fajësuar prokurorinë dhe protestuesit për humbjen e një investimi prej rreth 750 milionë eurosh dhe paralajmëroi kallëzime penale, ndërsa mohoi akuzat për korrupsion.
/koha
