Tragjedia në Koçan! Vazhdojnë arrestimet..!? (VIDEO)

Ministri i Punëve të Brendshme, Pançe Toshkovski njoftoi se 7 policët e arrestuar gjatë ditës së sotme për ngjarjen tragjike në Koçan, dyshohet se kanë dorëzuar të dhëna të pasakta në Ministrinë e Ekonomisë, që i kanë mundësuar diskotekës “Puls” të marrë licencën për kabare, shkruan TV21. Toshkovski tha se të njëjtit nuk e kanë paraqitur gjendjen reale.

“I pari, si inspektor kryesor për çështje në komunikacion në Departamentin e Policisë pranë SPB-Shtip dhe i dyti, si inspektor i pavarur për planifikimin e formacionit rezervë të parandalimit dhe menaxhimin me gjendje krize, kanë konstatuar se kabareja i ka përmbushur kushtet ligjore në pjesën e mbrojtjes së rendit dhe qetësisë publike dhe në pjesën e komunikacionit.

I treti si kryeshef i Departamentit për Polici në SPB-Shtip dhe i katërti si kryeshef i SPB-Shtip kanë miratuar dhe kanë nënshkruar njoftim deri te Ministria e Ekonomisë, ku është konstatuar se kabareja i plotëson kushtet ligjore dhe me këtë, që nuk kanë bërë kontroll të plotë, para se ta japin dhe ta lëshojnë miratimin pozitiv për dhënien e licencës për kabare, kanë shkelur ligjin.

I pesti, si dokumentues në SPPP Koçan, ka përgatitur telegram ku nuk ka shkruar të dhënat e sakta dhe të plota, se në kabare dhe në afërsi ka raportime për prishje të rendit dhe qetësisë publike dhe raportime për vepra penale, ndërsa i gjashti në cilësinë e zëvendësshefit dhe i shtati si kryeshef i Departamentit për Punë të Brendshme në Koçan, edhe pse e kanë ditur se ka pasur shumë raportime për prishje të rendit dhe qetësisë publike në kabare dhe afërsi, të njëjtit telegramit e përgatitur e kanë miratuar dhe e kanë nënshkruar”, tha mes tjerash Toshkovski.

VIDEO:

/tv21