Tragjedi! Djali e vr’au me thikë babanë e tij pas një konflikti familjar

Një ngjarje e rëndë ka ndodhur mbrëmjen e 12 korrikut në Shkup, ku një 31-vjeçar dyshohet se e ka vrarë me thikë babanë e tij pas një konflikti në familje.
Sipas njoftimit të Ministrisë së Punëve të Brendshme, rreth orës 23:00, policia arrestoi B.Xh. (31) nga Shkupi, pasi dyshohet se me thikë i ka shkaktuar plagë vdekjeprurëse babait të tij, E.L. (52).

Sipas informacioneve paraprake, rreth orës 22:35, në shtëpinë familjare, 52-vjeçari, i cili ishte nën ndikimin e alkoolit, kishte sulmuar fizikisht bashkëshorten e tij 54-vjeçare, njëherësh nënën e të dyshuarit. Më pas, djali dyshohet se e ka goditur babanë me thikë.

Policia e arrestoi menjëherë të dyshuarin, ndërsa gruaja 54-vjeçare u dërgua në Spitalin “Shën Naum i Ohrit” për të marrë ndihmë mjekësore.
Me urdhër të prokurorit publik, trupi i viktimës është dërguar për obduksion. Pas dokumentimit të plotë të rastit, ndaj të dyshuarit do të ngrihet kallëzimi përkatës penal.

/ts