Thënje shum të bukura

Mos telefono disa herë rresht. Nëse dikush nuk përgjigjet, do të thotë që nuk mundet ose nuk dëshiron. Respektoje këtë.
Ktheja gjithmonë paratë e huazuara pa pritur që të të kujtojnë. E njëjta vlen për çadrat, stilolapsat apo enët e ushqimit. Është çështje ndershmërie.

Kur dikush të fton për drekë, mos porosit pjatën më të shtrenjtë. Mirënjohja vlen më shumë se luksi.
Ndalo së bëri pyetje të sikletshme si: “Po i dashuri?”, “Po fëmijët?”, “Po shtëpia?”. Nuk është jeta jote, prandaj s’është as problemi yt.

Hape gjithmonë derën për personin që vjen pas teje. Është thjesht kulturë.
Nëse sot miku yt paguan taksinë, paguaje ti herën tjetër. Marrëdhëniet mbajnë ekuilibër, jo përfitim.

Respektoji mendimet e të tjerëve. Ajo që ty të duket “6”, dikujt tjetër mund t’i duket “9”.
Mos ndërprit. Dëgjo. Qetësia shpesh të mëson më shumë se fjalët.

Nëse tregon një shaka dhe askush nuk qesh – ndalo aty. Edhe heshtja është përgjigje.
“Faleminderit” nuk është kurrë tepër. Përdore shpesh.

Lavdëroji njerëzit publikisht, korrigjoji privatisht.
Mos komento për peshën e askujt. Thuaj thjesht: “Je i/e mrekullueshme!”. Mjafton.

Kur dikush të tregon një foto në telefon, mos shfleto më tej. Nuk e di kurrë çfarë ka pas saj.
Kur dikush shkon te mjeku, mos pyet: “Çfarë ke?”. Thuaj: “Shpresoj të jetë çdo gjë mirë”. Respektoje privatësinë.

Silu me roja ashtu si me drejtorin. Madhështia e njeriut shihet te mënyra si sillet me ata ndaj të cilëve nuk ka asnjë detyrim.
Nëse dikush po flet me ty, lëre telefonin mënjanë. Të ngulësh sytë te ekrani është mungesë respekti.
Mos jep këshilla nëse nuk të janë kërkuar. Askush s’i dëgjon predikimet e padëshiruara.

Kur takon dikë pas shumë kohësh, mos pyet për moshën apo rrogën. Pyete si ndihet. Kjo është më e rëndësishmja.
Merre me jetën tënde. Problemet e të tjerëve nuk kanë nevojë gjithmonë për ndërhyrjen tënde.

Hiqi syzet e diellit kur flet me dikë në rrugë. Respekti shihet në sy.
Mos u mburr me pasurinë para të varfërve, as me fëmijët para atyre që nuk mund t’i kenë.
-Autor i panjohur
(e huazuar)

/ms