Themelimi i nëndegës së Lëvizjes Besa në Zajaz Çelikaj

Lëvizja Besa, e njohur për përkushtimin e saj ndaj avancimit të të drejtave të qytetarëve dhe përfaqësimit të interesave kombëtare, ka shënuar një tjetër arritje të rëndësishme me themelimin e një nëndege të re. Ky hap dëshmon qartë përkushtimin e Lëvizjes për të qenë pranë çdo qytetari dhe për të forcuar lidhjet me komunitetin në çdo cep të vendit.

Në ceremoninë e organizuar me këtë rast, drejtuesit e Lëvizjes Besa theksuan rëndësinë e këtij zhvillimi, duke e cilësuar atë si një dëshmi të qartë të rritjes dhe zgjerimit të vazhdueshëm të rradhëve. Me përfshirjen e figurave të reja dhe energjive të reja në këtë nëndegë, Lëvizja synon të rrisë edhe më shumë ndikimin e saj, duke dëshmuar se vizioni dhe misioni i saj rezonojnë me qytetarët.

Fjalë përshëndetëse gjatë këtij takimi patën Ministri i Politikës Sociale, Demografisë dhe Rinisë, Kryetari i Degës Agim Sadiku dhe Kryetarit i Komisionit Rexhep Emini, si dhe Kryetari i Forumit Rinor Ramazan Dini.
Me pjesëmarrje masive dhe vetërifikim të mandateve nga kuvendarët, pasoi propozimi i kandidatit të vetëm, për Kryetar të Nëndegës së Lëvizjes BESA, në Zajaz – Çelikaj.

Pas aprovimit unanim të Kryetarit:
● KUSHTRIM DANI dhe propozimit të strukturës udhëheqëse me:
● Lulmir Xhemaili, Nënkryetar
● Valon Osmani, Sekretar
● Dinush Bexheti, Arkëtar

… vijoi fjala përshëndetëse e Kryetarit të porsazgjedhur:
“Mirëmbrëma, të nderuar bashkëvendas, i nderuar ministër z. Fatmir Limani, e nderuara strukturë e Lëvizjes Besa.
Unë, në emër të banorëve të kësaj bashkësie lokale, ju falënderoj për prezencën dhe për interesimin e treguar.

Në këtë moment të rëndësishëm për vendin, për rininë dhe për të ardhmen e banorëve, këtu krijojmë nëndegën lokale të Lëvizjes Besa, e cila do të operojë me platformën e përbashkët dhe të përgjithshme të “VLEN-it”.
Bashkë me ju, forcimi i Lëvizjes Besa nënkupton një koalicion VLEN edhe më të fuqishëm, duke e bërë qeverisjen dhe jetën e qytetarëve edhe më të mirë.

Na duhet një organizim dhe angazhim i madh nga të gjithë ne për të forcuar lidhjet mes banorëve dhe forcës politike, me të vetmin qëllim: të jemi sa më pranë qytetarëve, me shpresë që të parandalojmë largimin e të rinjve nga vendi.
Kjo bëhet duke ndërtuar ura komunikimi midis banorëve dhe atyre që janë në krye të detyrës. Ne do të mundohemi të sigurojmë transparencë të plotë dhe efikase në këtë drejtim.

Përmes kësaj nëndege, do të nxiten projekte kyçe, si: punësimet, infrastruktura, arsimi, rritja ekonomike dhe të tjera.
Unë, personalisht, si kryetar do të mundohem që kërkesat dhe problemet e çdo banori të adresohen në adresën e duhur. Jam i bindur se nuk do të hasim më në vesh të shurdhër, siç ka ndodhur në të kaluarën.

Radhët tona sa vijnë e shtohen. Sonte jemi më shumë se dje, dhe nesër do të jemi edhe më shumë se sot. Pra, forca jonë, bashkë me ju, sa vjen e rritet, dhe me këtë do të rritet edhe mirëqenia jonë e përgjithshme.
Ju faleminderit për prezencën!

Na priftë e mbara ! ”
Pas fjalës përshëndetëse të Kryetarit të porsazgjedhur u përmbyll edhe Kuvendi i Punës.
Lëvizja Besa vazhdon të jetë një platformë e hapur për të rinj, intelektualë dhe profesionistë që ndajnë vlerat e barazisë, drejtësisë dhe përparimit kombëtar. Themelimi i kësaj nëndege të re është një tjetër shembull i mënyrës sesi kjo lëvizje po përqafon çdo qytetar që dëshiron të jetë pjesë e ndryshimit pozitiv.

Me këtë hap të radhës, Lëvizja Besa konfirmon se rruga e saj është ajo e rritjes dhe fuqizimit të vazhdueshëm, duke ofruar një alternativë të re dhe të qëndrueshme për të gjithë ata që besojnë në një të ardhme më të mirë për të gjithë.
#DrejtSynimitKërçovë

/ms