Themelimi i nëndegës së Lëvizjes Besa në fshatin Trapçindoll të Kërçovës

Themelimi i nëndegës së Lëvizjes BESA në fshatin Trapçidoll – Kërçovë shënon një hap të rëndësishëm për përfaqësimin dhe organizimin politik të shqiptarëve në këtë rajon. Kjo iniciativë synon të forcojë lidhjet mes partisë dhe komunitetit lokal, duke krijuar një platformë të qartë dhe të strukturuar për adresimin e çështjeve me rëndësi për banorët.

Lëvizja BESA ka dëshmuar angazhimin e saj të palëkundur në promovimin dhe mbrojtjen e të drejtave të shqiptarëve dhe të gjitha komuniteteve që identifikohen me platformën dhe vlerat e saj. Themelimi i kësaj nëndege është pjesë e strategjisë për të zgjeruar rrjetin politik dhe për t’u siguruar që zëri i çdo qytetari të dëgjohet në të gjitha nivelet e vendimmarrjes.

Pas aprovimit unanim të Kryetarit:
● NAIM DUSHKU dhe propozimit të strukturës udhëheqëse me:
● Armend Ramadani , Nënkryetar
● Kadri Xhelili, Sekretar
● Tefik Musliu, Arkëtar

… vijoi fjala përshëndetëse e Kryetarit të porsazgjedhur:
“Fillimisht, më lejoni që, në emrin tim dhe në emrin tuaj, të përshëndes Ministrin e Politikës Sociale, Demografisë dhe Rinisë, z. Fatmir Limani, kryetarin e degës së Kërçovës, z. Agim Sadiku, së bashku me gjithë stafin e kryesisë së degës së Lëvizjes Besa në Kërçovë. Një përshëndetje e veçantë shkon gjithashtu për të gjithë anëtarët dhe kuvendarët e nëndegës së fshatit Trapçidoll.

Me këtë rast, dëshiroj t’ju shpreh mirënjohjen time të thellë për besimin që më keni dhënë. Ju premtoj se këtë besim do ta arsyetoj me punë, përkushtim, vepra konkrete dhe sakrificë, gjithmonë në të mirë të kësaj nëndege. Do të jem zëri juaj dhe do të përfaqësoj me përgjegjësi vendimet tuaja dhe të kryesisë së sapozgjedhur në të gjitha organet e partisë. Gjithashtu, do të jem gjithmonë në shërbimin tuaj dhe të komunitetit të fshatit Trapçidoll, duke u angazhuar për përparimin dhe zhvillimin e tij.

Ju faleminderit për mbështetjen dhe besimin tuaj!”
Mbështetja lokale është thelbësore për suksesin e kësaj nisme. Për këtë arsye, Lëvizja BESA thekson rëndësinë e përfshirjes aktive të të rinjve, grave dhe të gjitha grupeve shoqërore në strukturat organizative, duke krijuar një organizim lokal të fortë. Kjo do të ndihmojë në identifikimin dhe zgjidhjen e sfidave me të cilat përballet komuniteti shqiptar në këtë zonë.

Me përkushtim, bashkëpunim dhe vepra konkrete, nëndega e sapoformuar e Lëvizjes BESA në Trapçidoll do të jetë një zë i fuqishëm në mbrojtje të interesave të qytetarëve dhe në zhvillimin e komunitetit tonë.
Bashkë për një të ardhme më të mirë!
Shkruajn ga Lëvizja BESA – Kërçovë në facebook.

/ms