Teuta Ahmedi Purellku – Zëri i gruas në politikën e Kërçovës

Teuta Ahmedi Purellku shënon historinë si gruaja e parë bartëse e listës për këshilltarë në Komunën e Kërçovës, duke përfaqësuar Koalicionin VLEN.
Ajo ka kryer studimet në Fakultetin e Shkencave Natyrore në Prishtinë dhe mban titullin Profesore e Kimisë.

Në fillimet e TV Gurra, Teuta Ahmedi Purellku dha kontribut si gazetare, duke qenë një zë i fortë për emancipimin e gruas shqiptare në Kërçovë. Si aktiviste dhe kryetare e Lidhjes së Gruas Shqiptare – Dega Kërçovë, ka luajtur rol të rëndësishëm në shoqërinë vendase.

Që nga viti 2002, ajo punon në Gjimnazin e Kërçovës si profesoreshë e kimisë, duke edukuar breza të tërë. Ka shërbyer si anëtare dhe kryetare e Këshillit të Shkollës, duke dëshmuar përkushtim dhe lidership.

Në politikë, është e njohur për Kërçovarët: themeluese e LR PDSH, më pas anëtare e kryesisë së Aleancës për Shqiptarët (ASH) dhe kryetare e degës së ASH në Kërçovë.

E njohur për parime të forta, integritet dhe karakter të pathyeshëm, Teuta Ahmedi Purellku pritet të japë kontribut të çmuar në Këshillin Komunal të Kërçovës.

/ tvgurra