Të shpërngulurit në Turqi po kthehen në Maqedoni, ja shifrat deri tani ?

Pasardhësit e familjeve të shpërngulura në Turqi pas Luftës së Parë dhe të Dytë Botërore, përfshirë shqiptarët, po tregojnë interes gjithnjë e më të madh për t’u rikthyer në vendlindjen e të parëve të tyre.

Sipas të dhënave për periudhën 2006–2024, në Maqedoninë e Veriut janë vendosur 16,589 persona nga Turqia, ndërsa 1,244 qytetarë janë shpërngulur nga Maqedonia drejt Turqisë, duke krijuar një bilanc pozitiv prej 15,345 personash në favor të Maqedonisë.

Historikisht, shpërngulja e shqiptarëve drejt Turqisë ndodhi në disa valë kryesore përmes marrëveshjeve ndërshtetërore. Marrëveshja e vitit 1926 dhe Konventa e vitit 1938 parashikonin emigrimin e qindra mijëra banorëve të Kosovës dhe Maqedonisë, të cilët shpesh regjistroheshin si turq. Nga 1913 deri në 1941 u shpërngulën rreth 580,000 persona.

Një tjetër valë ndodhi pas Luftës së Dytë Botërore (1949–1970), kur nën presionin e regjimit jugosllav dhe përmes regjistrimeve si “turq”, u shpërngulën edhe 283,000 shqiptarë.
Sipas statistikave të vitit 1967, në Turqi jetonin rreth 1,890,000 persona me origjinë shqiptare, prej të cilëve 412,000 flisnin ende gjuhën shqipe.

/infoshqip