Të moshuarit nxirren nga aeroplani dhe lihen në diell!

Në redaksinë tonë ka mbërritur një reagim nga qytetarë, të cilët shprehin shqetësimin e tyre për mënyrën se si trajtohen disa udhëtarë të moshuar që vijnë nga mërgimi njoftojn ato per kercova.net.

Sipas ankesës, pas zbritjes nga aeroplani, të moshuarit detyrohen të presin për një kohë të gjatë nën rrezet e diellit, pavarësisht temperaturave shumë të larta që po mbizotërojnë këto ditë. Një situatë e tillë mund të paraqesë rrezik për shëndetin e tyre, sidomos për personat me probleme kardiovaskulare ose sëmundje të tjera kronike.

Qytetarët u bëjnë thirrje personave përgjegjës në aeroport që të marrin masa sa më shpejt, duke siguruar që të moshuarit të strehohen në vende me hije ose në ambiente të përshtatshme deri në përfundimin e procedurave, në vend që të qëndrojnë për një kohë të gjatë të ekspozuar ndaj temperaturave të larta.

Nëse pretendimet rezultojnë të sakta, pritet që autoritetet përgjegjëse të ndërmarrin masat e nevojshme për të garantuar trajtim më dinjitoz dhe më të sigurt për udhëtarët e moshuar.

/kercova.net