Taravari: Nuk e di ku ka diplomuar Ali Ahmeti, do ta lexoj CV-në e tij..

Kryetari i Aleancës për Shqiptarët(ASH), Arben Taravari deklaroi sot në Kuvendin e Maqedonisë së Veriut se nuk e ka parë CV-në e Ali Ahmetit, por që do ta shoh sot se ku ka diplomuar.
“Unë nuk e di CV-në e zotëri Ahmetit por sot do ta shoh. Seriozisht nuk e di ku ka diplomuar.

CV-në time mund ta lexoni edhe në Wikipedia edhe çdo kund, edhe punimet dhe librat që i kam shkruar, edhe në votime kam dalur në Gostivar dhe aty dy herë qytetarët ma kanë dhënë besimin, d.m.th. nuk është s e nuk kemi përkrahje prej qytetarëve dhe ata nuk na besojnë”, theksoi Taravari.

Por lidhur me këtë ka replikuar deputetja e BDI-së, Arbana Pasholli.
“Kur vjen puna për tu krahasuar në raport me aftësitë e juaja të udhëheqjes, është një dallim shumë i madh mes asaj se si udhëheq lideri i Bashkimit Demokratik për Integrim, dhe si përuleni ju në këtë qeveri monoetnike.

Për këtë, mund t’i hidhni një sy biografisë së liderit të BDI-së, që këtë biografi nuk ka fjalë por vepra”, tha Arbana Pasholli.

/(INA)