Taravari i ftuar në inaugurimin e presidentit Donald J. Trump në Washington
Kryetari i Aleancës për Shqiptarët (ASH) dhe ministri i Shëndetësisë, Arben Taravari, është ftuar të marrë pjesë në ceremoninë e inaugurimit që do të mbahet më 20 janar 2025 (të hënën) në Uashington.
Pjesëmarrja e z. Taravari në këtë ngjarje madhore është dëshmi e lidhjeve të forta që ai, si përfaqësues i shqiptarëve në Qeverinë e Maqedonisë së Veriut, ka ndërtuar me administratën e re amerikane. Kjo ngjarje pasqyron një tjetër hap të rëndësishëm drejt forcimit të marëdhënjeveme ShBA.
Forcimi i lidhjeve mes Shkupit dhe Uashingtonit është një garanci për mbështetjen e mëtejshme të procesit të integrimit evropian të vendit tonë, për të cilin z. Taravari ka qenë gjithmonë i angazhuar gjatë karrierës së tij politike.
Gjatë qëndrimit në SHBA, z. Taravari pritet të zhvillojë edhe disa takime të rëndësishme me përfaqësues të lartë amerikan por dhe nga vende të tjera, njofton burimi ynë në ASh.
Është e rëndësishme të theksohet se përfaqësues shqiptarë nga Maqedonia e Veriut nuk kanë qenë të pranishëm në ceremonitë e inaugurimit të presidentëve amerikanë për një kohë të gjatë. Prania e z. Taravari e bën atë një ndër politikanët e pakët shqiptarë nga vendi unë që merr pjesë në një ngjarje të tillë.
/ina
