Talenti kërçovar Nart Useini debuton me Rabotnickin

Nart Useini, vetëm 18 vjeç, ka shënuar një moment të rëndësishëm në karrierën e tij duke debutuar me ekipin e parë të FK Rabotnički.
Talenti i ri u inkuadrua në lojë në minutën e 65-të në përballjen ndaj FK Tikvesh, e zhvilluar në stadiumin e qytetit në Kavadarci.

Useini po kalon një formë të jashtëzakonshme, duke qenë një nga lojtarët më të spikatur në javët e fundit. Në 7 ndeshjet e fundit, ai ka realizuar plot 13 gola dhe ka dhuruar 8 asistime, statistika që dëshmojnë për potencialin e tij të madh në repartin ofensiv.

Për më tepër, ai mban edhe titullin e golashënuesit më të mirë në Kupën e Maqedonisë për U19, duke konfirmuar se është një nga talentet më premtues të futbollit në vend.
Debutimi me ekipin e parë është vetëm fillimi për Nart Useinin, i cili me këtë ritëm pritet të bëhet një emër i rëndësishëm në futbollin vendor dhe më gjerë.

/tvgurra