Takim për zgjedhjen e problemit me mbeturinat në Kërçovë dhe rethinë

📍 Sot në Manastir u mbajt mbledhja e parë e punës e Komitetit Ndërkomunal për Menaxhimin e Mbeturinave (KNMM) për Rajonin e Pellagonisë dhe Rajonin Jugperëndimor, me ç’rast filloi faza operative dhe zbatimi i obligimeve në kuadër të sistemit rajonal për menaxhimin e mbeturinave.

Në mbledhje morën pjesë të 18 kryetarët e komunave nga të dy rajonet, ndër ta edhe kryetari i Komunës së Kërçovës, Dr. Aleksandar Jovanovski, si dhe përfaqësues të Ministrisë së Mjedisit Jetësor dhe Planifikimit Hapësinor dhe partnerëve ndërkombëtarë. U shqyrtuan aktivitetet kyçe që do ta shënojnë periudhën në vijim dhe do ta orientojnë zhvillimin e mëtejshëm të sistemit rajonal.

✅ U theksua se themelimi i KNMM-së është rezultat i punës shumëvjeçare të koordinuar të komunave, institucioneve dhe partnerëve dhe përfaqëson një hap të rëndësishëm drejt krijimit të një sistemi modern, efikas dhe të qëndrueshëm për menaxhimin e mbeturinave.
🌐 Në kuadër të mbledhjes u prezantua edhe platforma e re në internet “Rajon pa mbeturina” (në proces të zhvillimit), e cila do të shërbejë si vend qendror për informim, koordinim dhe komunikim transparent me publikun, si dhe për ndjekjen e punës së KNMM-së dhe progresit të sistemit rajonal.

📅 Aktivitetet e planifikuara për gjysmën e parë të vitit 2026 përfshijnë:
🚧 ndërtimin e stacioneve transferuese
🚛 blerjen e automjeteve dhe pajisjeve
📝 hartimin e Planit të ri Rajonal për Menaxhimin e Mbeturinave
🏢 formimin e ndërmarrjes komunale rajonale
📣 forcimin e komunikimit me qytetarët
📊 grumbullimin dhe menaxhimin e të dhënave për mbeturinat

📌 përcaktimin e qartë të obligimeve të komunave në proceset përkatëse
Anëtarët e Komitetit theksuan se periudha e ardhshme do të jetë vendimtare për vendosjen e bazave të qëndrueshme të një sistemi funksional, i cili do të sigurojë shërbime më të mira dhe më efikase për qytetarët, mbrojtje më të madhe të mjedisit jetësor dhe rritje të përgjegjësisë institucionale.

🤝 Me këtë mbledhje, KNMM konfirmoi rolin e tij si trup kyç për koordinim, planifikim dhe mbikëqyrje të reformave në menaxhimin e mbeturinave në të dy rajonet, me përkushtim të qartë për transparencë, bashkëpunim dhe përfshirje të publikut në proceset që pasojnë.
📌 Puna e KNMM-së mbështetet nga projekti “Menaxhim i qëndrueshëm i mbeturinave në nivel lokal”, i financuar nga Suedia dhe i zbatuar nga SALAR International, në bashkëpunim me komunat dhe institucionet kombëtare. Shkruajn nga Komuna e Kërçovës në facebook.

/ms