Syarta Saliju Osmani: Komuna e Kërçovës nuk ka kompetencë për mbrojtje juridike të qytetarëve ?
yarta Saliju Osmani, këshilltarja e AKI-së në komunën e Kërçovës, kritikon njoftimin e fundit të Komunës, duke theksuar se institucioni nuk mund të veprojë si avokat i qytetarëve dhe nuk ka kompetencë për të dhënë këshilla juridike mbi blerjet apo marrëdhëniet kontraktuale private.
“Pas njoftimit të fundit të Komunës së Kërçovës, në të cilin pretendohet se gjoja po i mbron qytetarët nga ndërtimet pa leje dhe po u ofron ndihmë para se të bëhen viktima të blerjeve të banesave me status juridik të vënë në pikëpyetje, lind nevoja për të sqaruar qartë rolin dhe përgjegjësitë reale të komunës!!!!!
Komuna e Kërçovës NUK KA ROLIN E AVOKATIT TË QYTETARVE, as kompetencë që të veprojë si këshilltare juridike për blerje apo marrëdhënie kontraktuale private. Detyra e saj nuk është të japë thjesht informacione apo paralajmërime të përgjithshme, por të veprojë në përputhje me ligjin dhe kompetencat që i takojnë.
Kompetenca e komunës dhe e inspektoriateve në kuadër të saj është të ndërmarrin hapa konkretë ligjorë dhe administrativë ndaj objekteve pa leje ose atyre me status juridik të kontestueshëm. Kjo përfshin kontrollin, ndalimin e ndërtimit, procedurat inspektuese dhe masat përkatëse, e jo bartjen e përgjegjësisë te qytetarët përmes njoftimeve informative.
Nëse ekzistojnë objekte që ndërtohen pa leje ose që shiten në mënyrë të paligjshme, atëherë PËRGJEGJSIA PRIMARE bie mbi institucionet që duhet të mbikëqyrin, kontrollojnë dhe sanksionojnë këto dukuri. Qytetarët nuk duhet të vihen në pozitë që të “RUHEN VETË”, ndërkohë që institucionet kufizohen vetëm në deklarata apo njoftime publike.
Mbrojtja reale e qytetarëve nuk arrihet me paralajmërime, por me veprim konkret, ligjor dhe të barabartë për të gjithë, ashtu siç e parasheh ligji dhe përgjegjësia institucionale e Komunës së Kërçovës. ****Reagimi im vjen në rolin e këshilltares komunale, si pasojë e MUNGESËS SË SINQERITETIT DHE TRANSPARENCËS SË KOMUNËS TONË!!”, ka përfundua Osmani.
/ms
