Sulmet me raketa shkatërrojnë imazhin e Dubait ?

Ajo që duhej të ishte një fillim i ri për influencuesin britanik të fitnesit Will Bailey në Dubai, u kthye në një përvojë tronditëse. Vetëm 24 orë pas mbërritjes për të zhvendosur biznesin e tij, ai dokumentoi në Instagram sulmet me raketa iraniane pranë Palm Jumeirah, ku një shpërthim la katër të plagosur dhe më vonë u raportua edhe një viktimë në Emiratet e Bashkuara Arabe.

Bailey tha për BBC se situata ndryshoi brenda pak orësh dhe se nuk është i sigurt nëse do të qëndrojë apo do të kthehet në Mbretërinë e Bashkuar.

Edhe figura të tjera publike reaguan. Arabella Chi e quajti situatën “shumë të frikshme”, ndërsa Petra Ecclestone tha se kishin ardhur në Dubai për t’u ndjerë të sigurt. Hofit Golan theksoi se, megjithë tronditjen fillestare, jeta po vazhdon normalisht.

Banorë të tjerë, si blogerja Afsha Farooqui, shprehen se ndihen të sigurt dhe se qyteti vazhdon të funksionojë.

Megjithatë, ekspertë si Yasser Elsheshtawy dhe Karen Young paralajmërojnë se sulmet ndaj zonave ikonike dhe infrastrukturës turistike mund të dëmtojnë imazhin e Dubait si një “parajsë sigurie”, edhe pse qyteti mbetet një qendër e rëndësishme për emigrantët që kërkojnë stabilitet në rajon.

/syri