Stuhi të fuqishme dhe reshje shiu pritet të godasin Zvicrën !
Meteorologët paralajmërojnë për stuhi të forta që priten të ndodhin të enjten në mbrëmje në disa rajone të Zvicrës. Qeveria federale ka ngritur nivelin e paralajmërimit për zonat e Jurës, ultësirat dhe kodrat e Alpeve, që pritet të preken më shumë, përcjell albinfo.ch.
Pas një dite me mot ndryshueshëm dhe reshje të mundshme shiu në zonat e ulëta, nga pasditja e më tej do të zhvillohen reshje të përhapura dhe stuhi të forta, sidomos në orët e mbrëmjes.
Temperaturat do të luhaten rreth 22 gradë Celsius gjatë ditës, ndërsa këtë fundjavë pritet rikthimi i verës me temperatura deri në 27 gradë.
/albinfo
