Spasovski: Të jesh pjesëtar i policisë është nder..(VIDEO)

Me këngë e valle nisi dhe u shoqërua manifestimi për shënimin e Ditës së policisë së Maqedonisë. Banorët e Dellçevës patën mundësi të shohin helikopterët e policisë, automjetet dhe pajisjet me të cilat disponon policia.

Para qytetarëve, delegacioneve qeveritare dhe parlamentare, por edhe kreut policor u drejtua njeriu i parë i MPB-së, Oliver Spasovski. Ai tha se jetojmë në një kohë që kërkon që zyrtarët policorë të jenë rojtarë të vërtetë dhe konsistent të rendit dhe ligjit.

“Ne sot jetojmë pikërisht në një kohë kur nga ne kërkojnë të jemi rojtarë të vërtetë të ligjit dhe rendit, sigurisë dhe mbrojtjes së çdo qytetari. Nga kjo është e logjikshme qasja dhe mënyra e menaxhimit dhe e funksionimit, që e kemi ndërtuar tashmë viteve të fundit e që po jep rezultate”, deklaroi Oliver Spasovski, ministër i Brendshëm.

I ftuari special, kryeparlamentari Talat Xhaferi lavdëroi efektivët e policisë, profesionalizmin, guximin e tyre, por gjithashtu porositi se ata duhet mbajnë besimin e qytetarët.
“Të nderuar apelojë te të gjithë ju në emër të qytetarëve që të jeni dera e parë që do të trokasim, numri i parë që do të paraqiten sa herë që do të ndjehen të pambrojtur, të rrezikuar ose të frikësuar për jetën e tyre, ose jetën e më të dashurve, për pronën e tyre. Të trokasin ngaqë ju besojnë, sepse jeni pjesë e tyre dhe janë të sigurt deri sa ju jeni këtu pran tyre”, tha Talat Xhaferi, kryetar i Kuvendit.

Nën moton “Ministria e Punëve të Brendshme për qytetarët” dhe duke promovuar konceptin “Policia në shërbim të qytetarëve”, sot në parkun e Dellçevës u mbajt kremtimi qendror me rastin e Ditës së Policisë së Maqedonisë, 7 majit. Ministri Spasovski ndau mirënjohje për aksionet operative të realizuara me sukses dhe rezultatet më të mira të arritura në MPB për vitin 2021.

VIDEO:

/tv21