Sot iku në amshim veprimtari moçëm nga Çikago, Illinois, Tefik Ashiku. Nga Ramazan Bekteshi

Dispora e Kërçovës

Batalioni i veprimtarëve shqiptarë vazhdon të rrallohet. Sot iku edhe një mohikan që veproi në tokën e Linkoln-it, që nga viti 1968.
Vepimatari Tefik Ashiku veprimtarinë patriotike e filloi ne Gjermani në mesin e viteve 60-ta, për ta vazhduar këtej Atlantikut, në SHBA gjer në frymën e fundit.

Ai punoi me perkushtim për çështjen kombëtare dhe ishte një nacionalist i pakompromis që e deshi Bashkimin Kombëtar me kembëngulësi, dhe njëkohësisht ishte edhe një antikomunist i vendosur.
Balli Kombëtar dhe Lidhja Kosovare, ishin këto dy organizata që Tefik Ashiku bashkëveproi një jetë të tërë, në gjirin e sëcilës poashtu vepronin edhe Abaz Ermeni, Luan Gashi e kolosë tjerë të çështjes kombëtare. Z. Tefik ishte nje burrë i urtë, bujar që si deshi frakcionet, dhe grindjet e shqiptarëve por si një katalizator bashkëpunoi me të gjithë ata që vepronin për çështjen e pambaruar shqiptare.

Tefik Ashiku ishte në ballë të të gjitha fushatave kombëtare, në ballë të fushatave për miqtë tanë në Kongres e Senat, në kampanjat presidenciale, dhe kudo që nevoitej ndihma e tij. Ishte pjesëmarrës në demonstratat e organizuara kundër dhunës sllave, në demonstratat për liri e pavarësi të Kosovës jo vetëm në Çikago por edhe në Detroit, Nju Jork, para selisë së OKB-së, në Washington DC, përpara Shtëpisë së Bardhë dhe në Kapitoll Hill, si dhe në Dayton, Ohio.

Sjellja e një burri të urtë e bujar, veprimtaria e tij e gjatë vullnetare, dhe fuqia e tij bashkuese do të mbeten si kujtim i paharrueshëm kolektiv i komunitetit shqiptaro-amerikan për veprimtarin e respektuar. E pastë të lehtë dheun në vendin e tij ku deshi të prehet në Kërçovën e tij dhe shumë trimave ndër ta edhe dy kryetrimave, dy Mefailat e Zajazit, dy bashkëluftëtarët e Xhemë Gostivarit, që i adhuronte fort.

Foto: (1) Tefik Ashiku