Sot i jepet lamtumira e fundit mërgimtarës që humbi jetën! Ngushllime familjes

Yllka Hoti, e cila vdiq pas një aksidenti në Gjermani, do të varroset sot në fshatin Hoçë e Vogël e Rahovecit, transmeton albinfo.ch.

Në një aksident të rëndë në Gjermani, në afërsi të Reutlingen, ajo ka ndërruar jetë, siç njofton policia, në një vetaksident në autostradën B28.

Vdekjen e saj e ka konfirmuar familja, e cila ka njoftuar edhe për ceremoninë e varrimit, e cila do të mbahet sot.

Yllka gjatë udhëtimit ka humbur kontrollin ndaj veturës dhe ka dalur nga rruga. Aksidenti i rëndë ka ndodhur javën e kaluar, por Yllka ka ndërruar jetë të shtunën.

Për këtë aksident me pasoja të rënda kanë raportuar edhe autoritetet policore gjermane, si dhe mediat gjermane, që shkruajnë se Autostrada B28, nga Metzingen drejt Reutlingen, ishte e mbyllur për ca kohë. Ndërhyrjy është bërë edhe me helikopterr, por për fakt të keq pasojat ishin tepër të rënda.

Policia po heton të gjitha detajet, ndërsa ne i shprehim ngushëllime familjes Hoti dhe miqve të tyre.

/albinfo