Sot 20 vjet pa Ibrahim Rugovën, simbolin e paqes dhe shtetndërtimit

Sot shënohet 20-vjetori i vdekjes së ish-presidentit të Kosovës, Dr. Ibrahim Rugova, i cili ndërroi jetë më 21 janar 2006 dhe u varros me nderime të larta shtetërore dhe ushtarake.

I lindur më 2 dhjetor 1944 në Cercë të Istogut, Rugova ishte intelektual, studiues i letërsisë dhe figurë kyçe e rezistencës paqësore të shqiptarëve të Kosovës. Ai ishte themelues dhe kryetar i Lidhjes Demokratike të Kosovës dhe President i Republikës së Kosovës në vitet më të vështira drejt pavarësisë.

Nën udhëheqjen e tij u hodhën themelet institucionale të shtetit të Kosovës, përmes Deklaratës së Pavarësisë, Kushtetutës dhe zgjedhjeve të para demokratike. Rugova u rizgjodh disa herë president dhe u vlerësua me çmime të shumta ndërkombëtare për paqe dhe demokraci, përfshirë Çmimin Saharov të Parlamentit Evropian.

/albinfo