“Soravia” e “Korridori 8” – “Kauza kombëtare” e BDI’së..! (VIDEO)

Të thuash se “Kauza kombëtare” është, aty ku është Ali Ahmeti (!!!), është injorancë e paparë në aspektin politikë, kurse në aspektin e interesit individual, servilizëm i skajshëm, bile-bile sahanlëpirje e ‘temena’ ndaj padronit. Po i numrojë vetëm disa argumente “contra”, që të mos mendojnë se edhe “ne disa të tjerë”, jemi dele sikurse vetë ata.
-Kauzë kombëtare do të ishte rregullimi i statusit të ish-ushtarëve të UÇK-së, por edhe sot pas 20 viteve, ky problem nuk po zgjidhjet.

-Kauzë kombëtare do të ishte që shqiptarët dhe gjuha shqipe në Kushtetutë, të mos kishte formulim ofendues “20 përqind”, por të figuronte: “populli shqiptarë” dhe “gjuha shqipe”. E jo gjuhë e përkthyer nga maqedonishta, sipas dëshirave të naçallnikëve maqedonë.

-Kauzë kombëtare do të ishte sikur Ahmeti rrenën e vitit 2003 se ka “zyrtarizuar gjuhën shqipe (me një rrafsh me maqedonishten), do ta bëntë realitet që atëherë.
-Kauzë kombëtare do të ishte sikur Ahmeti do ta ndalte ikjen masive të rinisë shqiptare, e cila po ikën për mungesë perspektive. T’ua sjellë në memorie një gjë…, pikërisht dëbimi masiv i shqiptarëve nga këto troje, ka qenë e vetmja agjendë e të gjitha projekteve serbe, duke filluar nga “Naçertania” (1844) e Ilija Garashaninit

-Kauzë kombëtare do të ishte sikur përfaqësimi adekuat i shqiptarëve në institucionet shtetërore do të përfundonte në afati e paraparë në vitin 2006, konform marrëveshjes së Ohrit
-A është Kauzë kombëtare, kur ende kemi “tigra”, “luana”, “ujq” e njësi tjera me kriter e pa të, që më shumë ta kujtojnë Kopshtin zoologjik, ku nuk ka as edhe një shqiptar, sepse shqiptaret nuk po dikan not. Çfarë tallje, cfarë absurdi. Tmerr!

-Kauzë kombëtare do të ishte që asnjë shqiptar të mos mbetet më në burg, pas rasteve të montuara nga regjimi VMRO-BDI. E jo Rexhail Qerimi të vdiste në burg, edhe pse një dynja e kishin marrë vesh se është i pafajshëm.
-Kauzë kombëtare është dalja nga “Ballkani i Hapur”, tani që Shqipëria më në fund më nuk është pjesë e kësaj Jugosllavie të re, ose më mirë thënë: jo union me Serbinë e Vuçiqit

Prandaj, mos e ngatërroni ‘Kauzën Kombëtare” me dëshirat, interesin dhe pasurinë tuaj. Shqiptarët në Maqedoni nuk janë Dega e BDI’së në Kumanovë, që të mund t’i zgjidhni kryetarët e njerëzit, sipas nevojës dhe dëshirës.
Mos ua nënçmoni njerëzve krenarinë, integritetin e dinjitetin individual. Kauza kombëtare duhet të jetë e shenjtë, sikurse për të gjithë popujt e rajonit.

Skandalet e fundit si Soravia, Korridori 8, pasurimi i skajshëm brenda natës i njerëzve të liderit etj., po dëshmojnë se ju me “kauzat” tuaja, e keni bankrotuar shtetin. Nuk funksionon më pothuajse asgjë në këtë shtet, përvec interesave tuaja grupore.

Paramendoni, besimi i qytetarëve në Prokurori dhe gjyqësor, ështe vetëm 2 përqind. “O kauzaxhinjë”, a e dini se çka do me thënë kjo: Zemrës e shpiritit të shtetit – gjyqësorit, nuk i beson më asnjë njeri normalë. Ju na keni sjellë në këtë derexhe, ku: Gjërat jonormale, na janë bërë normale, kurse ato normale, janë shndërrua në jonormale. Nëse këtij i thonë shtet, dhe sjelljeve tuaja iu thonë kauzë, atëherë: Mirëditë Afrikë!
Shkruan: Fejzi Hajdari

VIDEO:

/lajmpress