Skandali trondit Malin e Zi, videot çuan në dorëheqje të zyrtarëve?

Në fillim të vitit u publikuan video dhe fotografi eksplicite të Mirjana Pajkoviqit, atëkohë sekretare e Ministrisë së të drejtave të njeriut dhe minoriteteve në Mal të Zi, duke shkaktuar një skandal të madh politik. Rasti çoi në dorëheqjen e saj dhe të Dejan Vukshiqit, ish-drejtor i Agjencisë Kombëtare të Sigurisë dhe këshilltar i presidentit, i cili dyshohet se shfaqet në pamjet intime.

Pajkoviq akuzoi Vukshiqin për shpërndarje të paautorizuar të materialeve intime, kërcënime dhe shantazh, duke e cilësuar rastin si dhunë dhe shkelje të të drejtave të njeriut. Ajo deklaroi se kishte njoftuar edhe presidentin Jakov Milatoviq, por pa marrë përgjigje. Vukshiq i mohoi akuzat, duke pretenduar se materialet janë keqpërdorur dhe se edhe ai ishte viktimë e shantazhit.

Prokuroria në Podgoricë ka nisur dy procedura penale bazuar në kallëzimet e Pajkoviqit, të cilat janë ende në fazë hetimi, ndërsa institucionet kanë bërë thirrje për respektim të privatësisë dhe dinjitetit.

/lajmpress