Situata drejt eskalimit ! Droni rus godet një zonë të banuar në Poloni
Një dron rus ka rënë mbi një ndërtesë banimi në rajonin e Lublinit, në lindje të Polonisë, duke shkaktuar dëme materiale por pa lëndime në njerëz.
Sipas Polsat News, çatia e ndërtesës dhe një parking u dëmtuan nga mbetjet e dronit që ranë në qytetin Wyryki Wola, transmeton klankosova.tv.
Një inspektor lokal policie konfirmoi se mbetjet i përkisnin një droni rus.
Kryetari i komunës, Mariusz Zanko, u shpreh për Polsat:
”Banorët dëgjuan shpërthimin dhe panë avionë luftarakë polakë në qiell. Situata është e vështirë dhe shqetësuese; ka një ndjenjë të thellë pasigurie mes qytetarëve”.
Rajoni i Lublinit kufizohet me Bjellorusinë dhe Ukrainën, duke e bërë atë një zonë të ndjeshme ndaj zhvillimeve të luftës në rajon.
/klankosova
