Si mund ta lexojë mendjen inteligjenca e re artificiale e Metës..?

Kompania Meta, në bashkëpunim me Qendrën Baske për Njohjen, Trurin dhe Gjuhën, ka zhvilluar një model të inteligjencës artificiale të aftë për të rindërtuar fjali nga aktiviteti i trurit me saktësi deri në 80 për qind.

Hulumtimi mbështetet në një metodë jo-invazive të imazhit të trurit dhe, sipas kompanisë, mund të hapë rrugën për teknologjinë që ndihmon njerëzit që kanë humbur aftësinë për të folur.

Ndryshe nga ndërfaqet ekzistuese tru-kompjuter, të cilat shpesh kërkojnë implante invazive, qasja e Metës përdor magnetoencefalografi (MEG) dhe elektroencefalografi (EEG).

Këto teknika matin aktivitetin e trurit pa kirurgji. Modeli i inteligjencës artificiale u trajnua në skanimet e trurit të 35 vullnetarëve teksa shkruanin fjali. Kur testohet në fjali të reja, Meta pretendon se mund të parashikojë me saktësi deri në 80% të karaktereve të futura duke përdorur të dhëna MEG – të paktën dy herë më efikas se dekodimi i bazuar në EEG.

Megjithatë, kjo metodë ka ende kufizime. MEG kërkon një dhomë të mbrojtur magnetikisht dhe pjesëmarrësit duhet të qëndrojnë të palëvizshëm për lexime të sakta. Teknologjia gjithashtu është testuar vetëm te individë të shëndetshëm, kështu që efektiviteti i saj për ata me lëndime të trurit mbetet i pasigurt.

/ts