Si mendoni a ka shpresa për përfundimin e Spitalit të Kërçovës..? (VIDEO)

17 ministra të shëndetësisë janë ndërruar por, askush nuk e përfundoi spitalin i ri të Kërçovës i cili është nisur të ndërtohet në vitin 1985. Premtimet kanë nisur nga ish ministri Nikolla Todorov e deri tek i fundit Fatmir Mexhiti.

“Ministri i Shëndetësisë Fatmir Mexhiti jep shpresa për spitalin e ri të Kërçovës i cili po ndërtohet tanimë 40 vite dhe nuk është duke u përfunduar. Ai tha se javën në vijim ose javët në vijim do të ketë një vendim përfundimtar për spitalin e Kërçovës nëse do të ndërtohet apo çfarë do të ndodhë në të vërtetë me të.

TV21 disa herë ka anketuar qytetarët të Kërçovës në lidhje me ndërtimin e spitalit të ri të Kërçovës por, ato shprehen skeptik dhe me shumë të drejtë. Ndërsa spitali i vjetër i Kërçovës është në kushte të vështira dhe mjekët punojnë me kushte jo të mira për punë”, raporton Salije Sadiku-gazetare e TV21.

Derisa ministrat e tjerë të shëndetësisë kanë shkuar për tu fotografuar në këtë spital, ministri aktual Fatmir Mexhiti që kur udhëheq me Ministrinë e Shëndetësisë ende nuk ka shkuar ta vizitoj këtë fenomen 40 vjeçar. Ai në emisionin SummerClick tha se java që vjen do të jetë përfundimtare për fatin e këtij spitali.

“Me kompaninë e cila ka qenë atje e angazhuar jemi ulë disa herë, siç kemi veprua edhe me Shtipin edhe me Kërçovën dhe jemi ul që të gjejmë zgjidhje të përbashkët dhe mendoj se javën në vijim ose javën e ardhshme ne do të do ta gjemë një zgjidhje edhe për Kërçovën.

Këtë informacion do ta delegoj deri në qeveri do ta mbroj dhe do të fillojmë njëherë e përgjithmonë. Popullata me plot të drejtë janë skeptik dhe pesimist edhe mua kur më dëgjojnë edhe të tjerët që kanë qenë para meje sepse realisht nuk janë ndërtuar këto spitale”, tha Fatmir Mexhiti-ministër i Shëndetësisë.

Ministri Mexhiti thotë se kanë biseduar në qeveri që edhe spitali i Shtipit edhe i Kërçovës të cilët po ndërtohen prej vitesh të futën në një paket dhe të përfundohen që të dy.

“Unë prej qeverisë me iniciativën time me informacion në qeveri kam kërkuar që të dy këta objekte dhe spitale problematike që nuk ndërtohen të filloj të ndërtohen dhe kemi sjellë vendim se në paket do ti qojmë të dy spitalet edhe të Shtipit edhe të Kërçovës”, deklaroi Fatmir Mexhiti-ministër i Shëndetësisë.

Më 3 nëntor të vitit 2022, qeveria ndau 60 milionë denarë mjete për përfundimin e spitalit të ri të Kërçovës, i cili ka filluar të ndërtohet para pothuajse 40 vitesh.

VIDEO:

/tv21