Si duket dhe çfarë përmban Kutia e Zezë e një avioni..!? (FOTO)

“Cockpit Voice Recorder” (CVR) regjistron tingujt në kabinën e pilotit, mban të regjistruara bisedat e pilotëve, komunikimin e këtyre të fundit me kontrolloret e trafikut ajror, me personat e tjerë që janë prezentë në kabinë dhe zhurmat e tjera të ambientit. Për arsye privatësie, i gjithë informacioni në fund të fluturimeve fshihet

Kutia e zezë e një avioni në fakt nuk është e zezë. Termi “Kutia e Zeze” e ka prejardhjen nga anglishtja “Black Box” që nga pikëpamja etimologjike do të thotë diçka e pasigurt. Kutitë e para të zeza ishin vërtetë në ngjyrë të zezë, por ato përdoreshin në rastet e zjarreve.

Aktualisht ato janë në ngjyrë portokalli ose të kuqe, me shirita floreshentë për t’u dalluar lehtësisht në rastet kur avioni rrëzohet. Në zhargonin e thjeshtë teknik “Kutia e Zezë” quhet “Regjistrues fluturimi”. Kjo pajisje regjistron të dhënat gjatë lëvizjes dhe ruajtjen e tyre, në rast incidenti.

Por qëllimi kryesor i përdorimit të Kutisë së zezë është hetimi, pasi ajo i mbijeton presionit, temperaturave të larta dhe aksidenteve, ndërkohe që informacioni që regjistrohet në kutinë e zezë ruhet plotësisht i padëmtuar. Kutia e zezë vendoset kryesisht në pjesën e pasme të avionit për t’i shpëtuar momentit të rënies në tokë. “Cockpit Voice Recorder” (CVR) regjistron tingujt në kabinën e pilotit, mban të regjistruara bisedat e pilotëve, komunikimin e këtyre të fundit me kontrolloret e trafikut ajror, me personat e tjerë që janë prezentë në kabinë dhe zhurmat e tjera të ambientit.

Për arsye privatësie, i gjithë informacioni në fund të fluturimeve fshihet. Kutia e zezë përbëhet nga tre pjesë kryesore: llamba, pjesa elektronike dhe ULB. ULB (Underwater Locator Beacon) është një përbërës që në kontakt me ujin, fillon e nxjerr një sinjal që lehtëson vendndodhjen e Kutisë së Zezë. Po a mund të dëmtohet Kutia e Zezë nga rrëzimi i avionit?

Kutitë e zeza janë të dizajnuara për t’i bërë ballë deri në 3.400 herë forcës së gravitetit, thellësisë së oqeanit deri në 6096 metra dhe temperaturave ekstreme të zjarrit dhe akullit. Ka pasur raste kur kutitë e zeza nuk janë gjetur dhe raste në të cilat është gjetur vetëm regjistruesi i dhënave të fluturimit, por jo regjistruesi i zërit në kabinë. Ka ndodhur edhe e kundërta. Studiuesit thonë se është ekstremisht shumë e rrallë që një kuti e zezë të shkatërrohet. As shpërthimi i avionit nuk mund ta shkatërrojë atë.

FOTO:

/koha.mk